Bahala’g Saging Basta Loving

Bahala’g saging
Basta loving
Mag unsa mana ang adobo
Kung si mister o si misis daghang sikreto?
Bahala’g nagpuyo sa payag
Basta ang nawong pirmi hayag
Mag unsa manang mansion
Kung ang bana naay laing pamilya nga extension?
Bahala’g pobre
Basta sige lang ug ngisi
Mag-unsa manang dato
Kung sige lang ug kasuko
Daghang bisyo, babaero
Bulag sa pamilya, basagulero
Maayo pa ang pobre basta buotan,
Responsable ug kugihan.
Wala’y laing kahadlokan
Kung dili ang atong Ginoong Amahan.
Bahala ug saging
Basta loving
Ayaw lang pud paabota nga mapasmo
Kay kana mao ang delikado
Kung ang pasmo
Mopadulong sa ulo.
Impas na ang tanan
Kung wala’y sulod ang tiyan.
Paningkamot ug tarong ug atimana ang imong pamilya
Kay ang Ginoo ang maghatag kanimo ug daghang grasya.
Bahala ug saging
Basta loving.